dr was eki e vintje up de boane ant lopen
ze schoezeuln kapot, voorover gebogen
kleine van gestalte up e grote levensweg
bijtend up me tandn en voe elke stap vechtend
'k zyn up boane zoender plan, en 'ktrektn me nie an
'k goan geweun me gang, begeleid van gezang
van woar da'k kwam en noar woar da'k ging
't stik nie zo nauwe, a'k moar e liedje kunn zing
me vintje, me vintje, bluf gy moar goan
zolange da'j lopt goa'j nooit stillestaan
me vintje, me vintje, bluf gy moar goan
pas up, want de tyd, ku vree rap goan
'k passeren langs't strange, de duinen en de polders
berg op, berg af, 'k volgen de wolkn
'kkykn noar de zunne die verdween in de golven
'k telde al de bomen die e bos kunn bevolken
'k zagen 1000 veugels, vliegend in de lucht
oender me windmeulen, slap'k't gerusts
me vintje, me vintje, bluf gy moar goan
zolange da'j lopt goa'j nooit stillestaan
de wereld is zo schoone aj em moet geloven
ze schoezeuln kapot moar je't schone dromen
'k en em zien lopen en 'k en bluven stoan
raar dat de tyd, zo rap ku goan

me vintje, me vintje, bluf gy moar goan
zolange da'j lopt goa'j nooit stillestaan

d'r was eki e vintje ant lopend langs de boane
de wind was ant blazen, z'n oogjes vul tranen
ze bloed was ant razen, z'n hartje ging boem
alles is verbazend, gelyk wa da'k doen
'kkeken noar de velden en kzagen't groen groeien
de regen en de zunne, kunn me euren boeien
'k bouwn me kastelen met pritt en papier
ak e liedje kunn zyn e'k al veele plezier
me vintje, me vintje, bluf gy moar goan
zolange da'j lopt goa'j nooit stillestaan
me vintje, me vintje, bluf gy moar goan
pas up, want de tyd, ku vree rap goan
en up e goeie dag up de grote levensweg
kkom'k an e splitsing, noar links of noar rechts
gelyk hoe da'k lopen, da kruspunt goa nie weg
kost'k nu moar toveren, ktoveren dat hier weg
kzou liever bluven spelen en lopen tussen 't koren
me kamp is in de bomen en et e uitkyktoren
me vintje, me vintje, bluf gy moar goan
zolange da'j lopt goa'j nooit stillestaan
dr was eki e vintje up de boane ant lopen
ze schoezeuln kapot moar je't schone dromen
'k en em zien lopen en 'k en bluven stoan
raar dat de tyd zo rap ku goan


(c) De Nihilisten