refr.:
Och, wat ben ich bliej, dat ich neet zoa ben wie die
Laot mich mer lekker vastelaovend viere
Och, wat ben ich bliej, dat ich neet zoa ben wie die
Laot mich mer lekker zonger latte zwiere
Laot ze auch mer langkoet ligke aan 't strandj
Ich vier de vastelaovend in mien Limburgs landj
Och, wat ben ich bliej, dat ich neet zoa ben wie die
Mit vastelaovend blief ich lekker hiej

Wie dok wurt neet gedach, wie dok wurt neet gezag
Me mot de luuj toch mer numme wie ze zeen
Dat is ein prima zaak, gein minsj is toch volmaak
Toch vraog ich mich soms aaf: "Wo mot dat heen?"
Want es Limburger ken ich neet begriepe
Dat ze mit die daag d'r tossje-oet gaon kniepe
't Liek mich sjterk dat ich mich noe vergis
Ze weite neet wat vastelaovend is

refr.

Dan komme ze trok, ze laupe op 'n krok
Jao, ze hobbe eine flinke roetsj gemaak
De zon, dat veel taenge, ze hauwe niks es raenge
Oere wachte aan de grens, d'r woort gesjtaak
Nae, es Limburger ken ich neet begriepe
Dat ze mit die daag d'r tossje-oet gaon kniepe
't Liek mich sjterk dat ich mich noe vergis
Ze weite neet wat vastelaovend is

refr.

Och, wat ben ich bliej, dat ich neet zoa ben wie die
Mit vastelaovend ben ich weer d'r biej