'Nta na notti di un tempo che fu
Tri cavaleri dda Spagna se partiru
Dali' Abbruzzi a Sicilia passaru
E poi ca in Calabria se firmaru
Ventun anni lavuraru sutta terra
Pe fundari li regoli sociali
Leggi d'onori e di guerra
Leggi maggiori, minori e criminali
E 'sti regoli di sangue e d' omerta
Da padre a figghju si li tramandaru
Chisti su i leggi dda societa
Leggi cu signu 'nta storia lassaru

'Ndrangheta, camurra e mafia
E Societa organizzata
'Ndrangheta, camurra e mafia
Sicilia, Napoli, Calabria onorata
Na matina menzu di lu mari
Na barchicedda vitti navigari
Cincu veli e setti marinari
Uno di chisti me vosi domandari
Giuvanottu diciti chi circati
Onori e sangu ieu ci rispundia
Supra a 'sta barcha si vui inchianati
Onori e sangu truvamu pe la via
E me purtaru ammenzu di lu mari
'Nta n' isoletta i nomu Favignana
Oh genti tutti chi stati a scutari
Chista e na terra vicina e assai luntana

'Ndrangheta, camurra e mafia
Leggi d' onori leggi d' omerta
'Ndrangheta, camurra e mafia
Pe cu sgarra nudda ha pieta
Dda e'era nu casteddu ecu tri stanzi
Undi la prima puzzava infamita
Tri Gucci di sangu 'nta secunda 'nci truvai
Mentri 'nta terza nu corpu di societa
Degnu e meritevoli fui arricanusciutu
Sutta I'arberu da scienza abbattiatu
Onoratu circulu a tutti vi salutu
Finu a la morti a vui su vinculatu
Lo fazzu I' omu pi sangu e onori
E pi scacciari I'infami e tradituri
Mentre e perdunu nuddu ha piete
Chistu m'imponi 'stu corpu e societa

'Ndrangheta, camurra e mafia
E Societa organizata
'Ndrangheta, camurra e mafia
Leggi d' onori leggi d' omerta