f gute Nachbarschaft
De ganze Woch derfst buckln musst Autos repariern
Do gfreist di aufn Samsdog, brauchst net aufsteh In da Friah
Oamoi richtig schlaffa bis um viere Nachmiddog
Blos is des net so einfach wennst an bledn Nachbar host

Mei Nachbar Leid i sogs eich, das war vielleicht Ein Aff
Am Samsdog in da Früh hod der sein Rasnmäher backt
Um simme fangt der Bravo, do reißts di ausm Bett
Na wart no du kapputter Typ, du griagst scho no Dei Fett

Am Mondog in da Nacht bin i in sei Garage Ei´gstiegn
Hob sofort damit o´gfangt eam de Gruppn zum Zerlegn
Zylinder a weng aufbohrt, de Zündung stell i ei
An Doppelvergaser von Weber der muß daroo scho sei

A gscheide Übersetzung und de Kettn werd verkürzt
An Ansaugstutzn von da Kawasaki hi montiert
An zwoa-Zylinder acht-Ventiler hob i eam do gmacht
Der wos von null auf hundert in vier Sekundn Schafft

Am Samsdog traut bin i mi um fünfe a scho aus meim Bett
Und hob mi drausst im Gartn hinterm Zaun auf Lauer glegt
pükntlich auf minutn schmeist Frank sei Monster o
Legt sanft an erstn Gang ei und lasst de Kupplung Los

Wia aufm Soizburgring fahrt er drei Rundn um sei Haus
Dann brennt er so mit hundertdreißg auf D´Hauptstrass naus
Dass s´Gartntürl no zua war, des hod er nimma Gspannt
De Zaunlattn fliang durch die Luft und ois werd Überfahrn

Von Reichnhall nach Piding hod er drei Minutn Braucht
Den kurzn Weg nach Aufham fahrt er über d´Autobahn
Hinterm Staufn ummi, über Innzel wieda zruck
An Tramper hot er a dabei, der auf da Lenkstang Hockt

Ja Leid i sogs eich glei, wenns so an Nachbarn Habts wi mi
Mahts eiern Rasn net am Samsdog in da Früh
Machts es wia mei Nachbar, der woaß scho wos se G´Hört
Der schneidt sein Rasn mit da Schar, damit se Neamts dro stört
Text ausdrucken