Ik had mie laas las van'n nekkn
Piene in 't kruus ak de rugge wol strekkn
Striem'n op 'n boek en alles stief
Oaverspann'n deur 't hele lief

Noa een dag of wat zo krom te stoa
Bin'k ma een keer noa de dokter e goan
Hij keek mie noa en begun te proatn
Dit mu-j doe en det mu-j loatn

refr.:
Stop met rookn, stop met drank
Stop met sex op de achterbank
Meer bewegen en minder stress
Anders bi-j d'r zo e wes

Ik kreeg 'n dieet met 'n deuze teblettn
Vier moa daagns, mu-j niet vergettn
Oaver een wekke dan kom ie ma weer
Beslist he-j dan gin klachtn meer

Ak alles zal gleuvn wat 'n dokter zeh
Dan ha'k al lange dood mut'n weh

Toe de pilln op waarn en de wekke veurbie
'k Had alles e doan ma 't helpn mie nie
Ik leek wel tachtig, old en krom
Kon nauwelijks nog uut bedde kom'n

Geliek op 't sprekuur deu'k mie beklag
De dokter die wus wel woar het an lag
"Holleboer" zegge, " 't Geet oe slech
Umdet ie nie doet wa'l oe heb e zeg"!

refr.

Um zich ech nie te vegissn
Mos ik ok in een puttie stoan pissn
Hij stuurn mie noa de heern W.C.
Alwoar ik mien ontdekking dee

Opiens begreep ik stief en stram
Hoe of ik an die piene kwam
De oorzaak de 'k nie rech kan stoan
'k Had de knoop van de jasse an de broek e doan

Ak alles zal gleuvn wat 'n dokter zeh
Dan ha'k al lange dood mut'n weh