Kumm, Oida, geh ins Bett, heast es is scho spät
Des ganze Redn des hod doch eh kan Sinn
I bin muagn nimma do, fahr so frua wias geht
Und des bleibt a so, waaßt eh wia stur i bin
Do is a Finstan in dem Zimma, de mocht uns krank
Und de Finstan liegt über da ganzn Stadt
Und sie reißt ned auf
Sie hört ned auf
Aber sie mocht mit mia ned
Wos dia dei Lebtog antan hod

Es is so weit, muagn is a Feiertog
Muagn is a Feiertog allaa fia mi
Es is so weit, muagn is a eFiertog
A Feiertog fia mi

I waaß ned wos des woa mit dia und mia
Mia ham z'weng gredt mitnand, z'weng wissen wolln
Und es woa z'weng Plotz in de 4 Wänd fia di und mi
Und vielleicht san ma a z'vü ausn söbn Holz

Fia mi is Zeit, muagn is mei Feiertog
A neicha Tog, weu i ned wartn mog
Es is so weit, muagn is mei Feiertog
Weu i ned wartn mog bis aufn jüngsten Tog

Beim Wirtn wirds wia ausgstorbn sei, im Espresso a
Auf da Stroßn kane Leit, da Pforra lest sei Mess allaa
Es wird a Sonntog sei, und se san olle draußt aus da Stodt
Oba se kumman aufd Nocht wieda ham
Nua a poa kumman nimma, de ham wia i im Kopf so an komischen Tram

Kumm, Oida, geh ins Bett, heast es is scho spät
I waaß wos i brauch, und daß i des do ned kriag
Nia kriagt hob und nia kriagn werd, weu do ned gnua Plotz fia mi is
Und i brauch mehr ois du dia trama kannst, daß i ned dastick

Es is so weit, muagn is mei Feiertog
I waaß, du host a mehr wolln, oba du host nie danach gfrogt
Fia mi is Zeit, muagn is mei Feiertog
Und i waaß: Ma kriagt wos ma wü, wann ma's laut gnua sogt