Di undi kim bem
Tem stória transadu ku tchoru
Música tchoradu ki ta conta sodadi di terra longi

Di undi kim bem
Tem um spritu kambadu na alma di povo
Tem un arvi tamanhu sima coraçon di mundu

Di undi kim bem
Tem mudjer preta ki pari mininu mulatu
Tem lua cheia pa ilumina sukuro di tudu kau berdi

La di undi kim bem
Tem um história calado guardado na tempu
Um txeru, um misterio marcadu na peli

La di undi kim bem
Lua cheia ta cayma tormenta
Di kes correnti ki guentis d'Africa traze um dia
Maradu na pe, maradu na mon
sotadu na corpo

La di undi kim bem
Kim ka volta más