pasadinha
di séu di Djarfogu
kumó nha sina da-m
só pa N krê-bu txeu
pasadinha
di séu di Djarfogu
kumó nha sintidu
sta korre-m só na bó

oh mansan di nha Léna
kumó nha bida birâ
kumó mar di maré
óra baxu óra mas artu
oh mansan di nha Léna
kumó nha bida al fikâ
kumó bida koitadu
óra medradu, óra engenhadu

nos amor éra kuma
pé di ponba na tedja franséza
ka ten ki pô ka ten ki trâ
ma kuzas sabi ta kabâ diprésa
nos amor éra sima
boka’l pasu na sónbra se má
ka ten pa trâ ka ten pa pô
ma kuza dósi ta findâ fasi

noiba na stronu
ku agu boiadu n’odju
ta txorâ legria
di sakraméntu
noiba na stronu
ku odju boiadu d’agu
sintadu ta sperâ
abensu’l mamá

oh mansan di nha Léna
si nha nesê pa mi
N ka morre pa nhá
antan é ka mi kê mi
oh mansan di nha Léna
si nha nesê pa mi
N ka morrê pa nhá
antan N ka di Djarfogu

nos amor éra kuma...

uai, uai, uai
oh mamá é nha sina




uai, uai, uai
oh Djarfogu
é nos sina


arba-branka
di séu di Djarfogu
kumó nha sina da-m
só pa N kre-bu txeu

oh mansan di nha Léna
tumó ka al ten noti sen dia
sufrimentu sen fin
anpô di Lanpiu al kabâ un dia

nos amor éra....

uai uai uai....