Ca nô estragá nôs Cabo Verde

Ess país qui nô plantá na meio di dor e miséria

E n'harmonia di nôs cultura di barlavento e sotavento

Um fresca brisa di paz

Na mistura di nôs criol nô pegá nôs violão

Nô sei junto num seranata

E na doçura dum mi menor na quintura dum sol maior

Nô cantá nôs sentimento

Ca nô estragá ess maravilha di natureza

Qu'é espaióde na meio di mar

Tá uni nôs coração

Ess sentimento qu'nô tem na peito

Ess pensamento qu'é d'nôs tudo

Nô tchá flori ess jardim

Nô regá qu'ês cantêr

Pa cada flor qui nascê

É um Cabo Verde ta crescê

Ca nô poluí ess mar sereno e cristalino

Qu'na pulsar di sês onda

Ta uni nôs coração